ХАЛІНЕРГІ́ЧНЫЯ НЕРВО́ВЫЯ ВАЛО́КНЫ,

нервовыя валокны. канцавыя ўчасткі якіх выпрацоўваюць медыятар ацэтылхалін. Знаходзяцца ў перыферычнай і цэнтр. нерв. сістэмах пазваночных і беспазваночных жывёл. Да іх адносяць парасімпатычныя нервы; прэгангліянарныя і постгангліянарныя сімпатычныя валокны, што інервуюць потавыя залозы і расшыраюць сасуды; саматычныя нерв. валокны. Апасродкуюць перадачу ўзбуджэння ў сінапсах. утвораных рухальнымі нейронамі ў шкілетных мышцах, парасімпатычнымі і некат. сімпатычнымі нейронамі ў залозах, сасудах і інш., а таксама перадачу тармажэння, напр., канцавымі ўчасткамі валокнаў блукальнага нерва.

А.​С.​Леанцюк.

т. 16, с. 530

Беларуская Энцыклапедыя (1996—2004, правапіс да 2008 г., часткова)